Á lífrænum býlum HiPP eru dýrin ánægð með lífið. Ræktunaraðferðir sem henta hverri dýrategund og náttúrulegt fóður eru meðal grunnstoðanna í lífrænum búskap. Lögin eru afar skýr hvað þetta varðar: Fóðrið verður að koma frá lífrænum býlum og má ekki innihalda sýklalyf, lyf til að auka afköst eða erfðabreytt hráefni. Með því að velja hentugustu dýrin til undaneldis og tryggja dýrunum nægt athafnarými og stóra bása með mikilli birtu stuðlum við einnig að góðri heilsu og vellíðan þeirra.

HiPP gengur jafnvel lengra en lög kveða á um og setur eigin viðmiðunarreglur, sem lífrænir birgjar þurfa að einnig að fylgja. Starfsmenn HiPP framkvæma reglulega vettvangseftirlit til að tryggja að öllum kröfum HiPP varðandi dýrahald og dýravernd sé mætt. Með því að beita víðtæku og margháttuðu eftirliti getum við fullvissað viðskiptavini okkar um að við ölum dýrin okkar á náttúrulegan hátt, með hliðsjón af þörfum hverrar dýrategundar, vegna þess að við setjum velferð dýranna í forgang.

Vissir þú að það er aðeins hægt að rækta heilnæman mat í heilbrigðum jarðvegi?

Áður en akur getur orðið lífrænt ræktunarland fyrir HiPP þarf einn af sérfræðingum okkar að kanna jarðvegsgæðin með því að taka fjölda sýna úr akrinum og greina þau á rannsóknarstofunum okkar. Akurinn telst aðeins hæfur til lífrænnar ræktunar fyrir HiPP ef öll sýni mæta ströngustu gæðakröfum okkar. Við veljum akra á opnu svæði þar sem vindurinn getur feykt burtu meindýrum og með því að planta ýmsum jurtum við og í kringum akrana tryggjum við meindýrunum búsvæði sem þau kjósa fremur en akrana.