Loka

Þessari vöru hefur verið bætt við í körfuna

Þú getur alltaf farið í körfuna með því að smella á körfuna hér uppi til hægri.

1.Stig HiPP lífræna ungbarnablandan
Mynd af 1.Stig HiPP lífræna ungbarnablandan
Vörulýsing
HiPP lífræna ungbarnablandan er mild og byggð á mysu, sem fullnægir öllum næringarþörfum og hentar allt frá fæðingu ef barnið fær ekki brjóst eða til viðbótar við brjóstagjöf. Í blöndunni sameinast kostir náttúrunnar og þekking á eiginleikum brjóstamjólkur. Hún er blönduð úr úrvals lífrænni mjólk og inniheldur omega-3 og omega-6 langar, fjölómettaðar fitusýrur og PRÆBIOTIK® fjölsykrur. 

 

Langar fjölómettaðar fitusýrur 
Langar fjölómettaðar fitusýrur eru tegund ómettaðra fituefna sem gegna margvíslegu hlutverki í líkamanum. Alfalínólensýra er omega-3 löng fjölómettuð fitusýra sem er að finna í HiPP lífrænu ungbarnablöndunni.Tvær helstu löngu fjölómettuðu fitusýrurnar eru omega-3 fitusýran docosahexaensýra (DHA) og omega-6 fitusýran arakídonsýra (AA). Báðar þessar fitusýrur er að finna í brjóstamjólk og þeim er bætt í HiPP lífrænu ungbarnablönduna. AA og DHA eru mikilvægar fyrir sjónhimnu og heila og skipta miklu máli við þroska á sjón og taugakerfi hjá ungbörnum. Börn geta myndað AA og DHA úr öðrum fituefnum í fæðunni, en hæfileikinn til þess er takmarkaður fyrstu mánuðina, svo æskilegt er að fá AA og DHA úr fæðunni til að tryggja sem besta næringu og þroska barna sem fá pela á fyrstu 4-6 mánuðum ævinnar. 

PRÆBIOTIK® fjölsykrur
Fjölsykrur eru ómeltanleg kolvetni, þ.e. trefjar í fæðunni, sem styðja við vöxt „vinveittra“ baktería í meltingarvegi barnsins og örva þannig heilbrigða og þægilega meltingu. Brjóstamjólk inniheldur mikið magn örvandi fjölsykra, þ.m.t. galaktó-fjölsykrur, sem er bætt í HiPP lífrænu ungbarnablönduna. Með því að bæta þessum örvandi fjölsykrum í blönduna ætti bakteríuflóra í þörmum barna sem fá HiPP lífrænu ungbarnablönduna að líkjast því sem gerist hjá börnum sem fá brjóstamjólk. Hægðir ættu að vera mýkri og melting ætti því að vera auðveldari. 

HiPP lífræna ungbarnablandan fullnægir öllum næringarþörfum og sér barninu fyrir mikilvægum vítamínum, steinefnum og öðrum næringarefnum sem þau þurfa til vaxtar og styrkingar ef þau fá ekki brjóst, eða til viðbótar við brjóstagjöf. 

HiPP lífræna ungbarnablandan er fáanleg í eftirtöldum gerðum: 

  • Duft, 800 g pakkning
  • NÝTT – Tilbúnar 200 ml fernur til þægindaauka t.d.utan heimilis. 

Innihaldsefni Lífræn undanrenna, lífrænt málmsnautt mysuduft, lífrænar jurtaolíur, örvandi trefjar (galaktó-fjölsykrur úr mjólk), lífrænn mjólkursykur, kalsíum karbónat, langar, fjölómettaðar fitusýrur (jurtaolía, fiskiolía), kalíum klóríð, ýruefni (soja lesitín), vítamínblanda (C-vítamín, E-vítamín, níasín, pantotensýra, A-vítamín, tíamín (B1-vítamín), B6-vítamín, ríbóflavín (B2-vítamín), fólínsýra, K-vítamín, bíotín, D-vítamín, B12-vítamín), L-týrosín, L-fenýlalanín, L-tryptófan, magnesíum karbónat, zink súlfat, járn súlfat, efni til að auka stöðugleika (L-mjólkursýra), kopar-lýsín samband, kalíum joðat, mangansúlfat, natríum selenat.

  • Inniheldur ekki erfðabreytt matvæli (GM)
  • Inniheldur ekki hveiti
  • Inniheldur ekki egg
  • Glútenlaust
  • Hnetulaust
Klúbbaskraning