,

Spurningar og svör

Algengar spurningar og svör um aðlögun barna að fastri fæðu

  1. Hvenær á að byrja að gefa börnum fasta fæðu?  

    Brjóstamjólk eða tilbúin barnamjólk sér flestum börnum fyrir öllum nauðsynlegum næringarefnum upp að hálfs árs aldri. Ef þú telur að barnið þitt þurfi á fastri fæðu að halda fyrir þann aldur skaltu ráðfæra þig við lækni eða hjúkrunarfræðing.

  2. Á hvernig fastri fæðu er best að byrja?

    Gott er að byrja á graut úr hrísgrjónum, ávöxtum (t.d. banönum, eplum, perum eða mangó) eða grænmeti (t.d. gulrótum, kartöflum eða sætum kartöflum), sem hægt er að blanda með mjólkinni sem barnið fær. Best er að maukið sé bragðdauft, með jafnri áferð og glútenfrítt.

  3. Hve mikið af fastri fæðu á ég að gefa barninu og hvenær?

    Til að byrja með er nóg að gefa barninu eina til tvær teskeiðar fyrir eða eftir brjóstagjöf eða mjólkurskammt. Síðan er hægt að fjölga skeiðunum smám saman. Taktu mið af matarlyst barnsins, ef það virðist enn svangt eftir nokkrar skeiðar er hægt að gefa því meira. Þegar barnið fer að þurfa meira skaltu byrja að gefa því fasta fæðu tvisvar til þrisvar á dag. 

  4. Hvað með fjölbreytni?

    Reyndu að gefa barninu fjölbreytta fæðu, það dregur úr líkum á matvendni. Börn geta þurft að venjast bragði, svo þó barnið hafni einhverjum mat við fyrstu tilraun skaltu reyna að bjóða því hann aftur síðar. 

  5. Hversu langan tíma tekur að venja börn á fasta fæðu? 

    Það getur tekið nokkurn tíma að aðlaga börn smám saman frá því að fá eingöngu brjóstamjólk eða tilbúna barnamjólk til þess að neyta fjölbreyttrar fastrar fæðu. Við eins árs aldur eru flest börn farin að borða fjölbreytta fæðu. Mundu að börn eru mismunandi, svo þú skalt fara þér rólega og laga þig að þörfum barnsins. Gefðu þér góðan tíma til að gefa því að borða, einkum til að byrja með, og leyfðu barninu að njóta þess að tileinka sér þessa nýju siði.

  6. Hvað með HiPP lífrænan barnamat? 

    HiPP býður upp á fjölbreytt úrval af lífrænum, bragðgóðum og heilnæmum barnamat fyrir börn á öllum stigum aðlögunar að fastri fæðu. Allar HiPP vörurnar eru greinilega auðkenndar með aldri, til að auðvelda þér að velja bestu vörurnar fyrir barnið þitt. 

  7. Hvað ef barnið mitt þarf sérfæði? 

    Vegna þess að börn eru mismunandi býður HiPP upp á mikið úrval matar og drykkjar, þar á meðal
    • glútenfríar vörur
    • vörur fyrir þá sem aðeins neyta grænmetis
    • vörur án mjólkur eða mjólkursykurs, hveitis eða eggja

 

Ef barnið þitt hefur sérstakar þarfir varðandi næringu skalt þú ráðfæra þig við lækni eða hjúkrunarfræðing.

Klúbbaskraning